संध्यानंद
गोड गुलाबी संध्या आली
सौम्य सोनेरी किरणां समवेत
नानांविध रंगांनी सजली
सौंदर्यधन घेउनी कवेत
गीरीराजाची कडा निराळी
झागमगली रवी किरणांनी
मुक्त हस्ताने कुणी हो उधळला
हा गुलाल विशाल गगनी
चिवचिवाट करीत पक्षी उडाले
घेण्य गगन भरारी
जणू उसळले या सौख्याने
आनंदगीत उरी
स्नेह दावितो, ममता देतो
हा गगनाचा गाभारा
झोंबत झोंबत गारवा देतो
अवचित पिसाट वारा
दूर दूर हि छटा पसरली
निळ्या अनंत गगनी
लाल गुलाबी धरा जाहली
किती लाज लाजुनी
निखळतेने गगनी नटली
सौंदर्याची हि लेणी
मावळतिचेही सौंदर्य अनोखे
निसर्गाची हि करणी
आशिष ढाणकिकर
अड्व्होकेट, मुंबई
No comments:
Post a Comment